„Голите“ венчаници ги освоија невестите низ светот – би носеле ли ваков фустан на вашата свадба?

„Најголем број жени не сакаат да носат балски фустани. Навистина е исцрпувачко, па затоа сега во мода се лесните и ‘лелеави’ фустани, кои сепак не се секојдневни“ - појаснува Вера Ванг. Погледнете повеќе модели од „голи“ венчаници кои се вистински хит во светот.

По завршувањето на карантините и релаксирањето на мерките за заштита од ковид, свадбите се враќаат во полн ек, насекаде во светот, а во оваа 2022-ра година светски тренд се „голите“ фустани изработени од тантела, проѕирни материјали со постава во боја на кожа или во светли тонови.

„Голите“ фустани досега честопати беа забележани на црвениот тепих, а годинава се прв избор на жените што сакаат да застанат пред олтар во смел фустан, што истовремено е во тренд, а некои светски дизајнери во своите колекции веќе вклучија вакви венчаници.

Според Вера Ванг која важи за авторитет во светот на модата и за една од најскапо платените дизајнери на венчаници, новите невести бараат секси фустани за своите свадби од проста причина што тие се покомотни од традиционалните фустани со волуменозни здолништа и корсети.

„Најголем број жени не сакаат да носат балски фустани. Навистина е исцрпувачко, па затоа сега во мода се лесните и ‘лелеави’ фустани, кои сепак не се секојдневни. Сметам дека жените изгледаат најдобро кога се чувствуваат удобно“ – рече Вера во интервју за Insider.

Во продолжение погледнете повеќе фотографии од проѕирни венчаници:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Б. С. Б. | Црнобело