Мајка стоејќи на раце го дои синот и ги промовира спортските вештини – како им одговори на критичарите?
Австралиската олимпијка Тора Брајт ги покажа сопствените спортски вештини откако објави фотографија како го дои синот Флоу додека сосема гола прави стој на раце.
Шампионката во сноубординг го одбележа својот прв Ден на мајките со тоа што сподели несекојдневна фотографија на која го дои синот, додека прави стој на раце. Покрај оваа фотка, објави уште неколку други фотографии заедно со синот.
Спортските вештини на олимпијката беа прифатени со големо воодушевување, но некои дадоа негативни коментари. Дел од луѓето што коментираа се обидоа да ја критикуваат Брајт како родител и сметаа дека со таквите фотографии само се обидува да привлече внимание и го користи детето за да си ги промовира своите спортски вештини.
Австралискиот портал news.com.au успеал да го објави одговорот на критиките во коментари, кој Брајт го објавила како Стори на Инстаграм, пред истиот да биде избришан.
„Читањето на некои од овие коментари ме направи тажна. Во мојот свет мајките треба едни за други да навиваат (и онака доволно е тешко). Да ja прифатиме сопствената невообичаеност и да ја најдеме радоста во секоја пос**на работа од мајчинството. Сите го правиме тоа на различен начин. Нема погрешен или правилен начин. Мајчинството е чиста работа. Само се чувствувам како Wonder Woman затоа што ви се придружив во светиот клуб на МАЈКИ. Ништо освен почит кон сите мајки“ - напиша таа во одговорот.
Понатаму таа одговори и на критиките што беа упатени кон неа поради невообичаената фотографија:
„Праќам љубов до сите мајки на кои што им е потребна. Ви го чувам грбот. Секоја мајка била на вашето место. Не сте сами. Не барам признание. Никогаш не ми биле потребни признанија од непознати луѓе. Чекорам по оваа земја според ритамот на моето срце водена од сопствените потреби и потрагата по љубов и радост... Очигледно.“
Инаку ова не беше прва несекојдневна фотографија на олимпијката со доење. Минатиот месец таа објави фотографии како го дои синот додека вози скејтборд. Флоу во јули годинава ќе наполни една година, тој е нејзиното прво дете со сопругот Ангус Томсон, кој исто така е сноубордер.
Б. С. Б. | Црнобело
Би можело да ве интересира:
Препорачуваме
Најчитани неделава
