Самохран татко создава ремек-дела од оброкот на ќерката: „Сакав ќерка ми да се храни здраво“

Понекогаш за да ги натераме малите деца да јадат не е потребно само храната да биде вкусна, туку мошне важна е и презентацијата. Така овој самохран татко, воден од желбата да внесе здрава храна во исхраната на ќерка му, најде начин како да ѝ го сервира оброкот за храната да биде што е можно попримамлива.

Мајкл Викс креира вистински ремек-дела од оброците на неговата 4 годишна ќерка. Сцени од цртаните херои Peppa Pig и Frozen се само дел од богатиот „репертоар“ на трикови на овој самохран татко.

https://www.instagram.com/p/CMHPzfbngEY/?utm_source=ig_web_copy_link

Како што вели, на 37-годишниот Мајкл му било смачено од смрзната храна и достава на храна, па сакал во исхраната на 4-годишната Силвија да внесе што е можно повеќе здрава храна. 

https://www.instagram.com/tv/CNSjD8WnNrF/?utm_source=ig_web_copy_link

Иако сѐ почнало како шега, сега тој ја разгледува можноста своите креации (дел од кои веќе се објавени на неговиот Инстаграм профил dadshappymeals) да ги вметне во книга.

https://www.instagram.com/p/B4HMYIhHzsz/?utm_source=ig_web_copy_link

„Пред неколку години станав самохран родител и влегов во рутина во која компирчињата од рерна и пилешките прсти беа стандард. Една вечер кога таа ми побара пилешки прсти, си помислив: Ова станува навика. Па така првата вечер го направив овошниот оброк во облик на сендвич од McDonald's на шега“, вели тој.

Откако Силвија го изела овој оброк без проблем тој почнал да размислува за други креации што би можел да ги направи од храна.

Тој открива дека вака сервираната храна не само што му помогнала во исхраната на ќерката, туку и додека ја сервира успева да се ослободи од стресот што го чувствува како самохран родител.

https://www.instagram.com/p/Bxzx3LKHBVc/?utm_source=ig_web_copy_link

„Да се биде самохран родител – многу работи ми поминуваа низ глава. Тоа е животот на самохран родител – нормалните активности што веќе не можев да ги правам затоа што бев врзан дома и се грижев за ќерка ми. Готвењето отсекогаш беше моја пасија, а ова беше не само за да ја натерам да јаде, туку и за да го „вработам“ мозокот“, вели Мајкл.

https://www.instagram.com/p/B00Uv_sHBac/?utm_source=ig_web_copy_link

Некои од неговите креации веќе се забележани од поголем број родители на социјалните мрежи, како неговите диносауруси од мисиркино месо и вулканите од грав и пасиран зеленчук. Интересни се и креациите со Peppa Pig и Олаф од Frozen.

View this post on Instagram

A post shared by Michael Weeks (@dadshappymeals)

https://www.instagram.com/p/CELoPzynVQw/?utm_source=ig_web_copy_link

View this post on Instagram

A post shared by Michael Weeks (@dadshappymeals)

Секоја чест на овој татко. Од неговите креации родителите можат да научат многу, како преку игра да ги натераат децата да јадат и да се хранат здраво и дека секогаш кога размислуваме за оброците на нашите деца треба да размислуваме и за презентацијата.

https://www.instagram.com/p/Bx8KL3XHguz/?utm_source=ig_web_copy_link

Б. С. Б. | Црнобело