До која возраст може да се толерира неправилниот изговор на гласовите кај децата?

Пореметувањето во изговорот на гласовите С, З, Ц, Ѕ, Ч, Џ, Ш, се нарекува сигматизам.

Сигматизмот се јавува во неколку облици и тоа во омисија - кога изговорот изостанува, односно изговорот на гласовите се испушта, супституција- кога гласовите се заменуваат со гласовите Т и Д,  дисторзија -  кога постои артикулационо - акустично отстапување при изговорот на гласовите.

Најчесто отстапување во изговорот на гласовите е дисторзијата, каде тие се изговараат:

- интердентално кога при изговорот на гласовите врвот на јазикот се поставува помеѓу горните и долните секачи- протрузија.

- латерално кога постои специфично шушкање, а воздушната струја наместо низ средишниот јазичен жлеб, струи унилатерално или билатерално во правец кон внатрешноста на образите.

- снортинг – назален сигматизам – каде што воздушната струја струи кон носната шуплина. Овој начин на изговор се разликува од оној кај ринлалиите.

Она што е важно да се знае е дека секој од гласовите има свое време на формирање.

Во прилог е табелата во која може да видите на која возраст, кои гласови треба да се формираат.

Возраст според која се толерира неправилен говор:

Границата до која може да се толерираат неправилностите на изговорот е периодот пред самиот почеток на училиште кога детето треба правилно да ги изговори сите гласови.

Доколку детето не ги изговори правилно сите гласови во предвиденото време, треба да се побара мислење и совет од логопед.

Логопедот Симона Василеска Николовска може да ја следите на Инстаграм.

Доколку имате прашања и предлози за тема на разговор со логопедот, испратете ги на Оваа е-адреса е заштитена од спамботови. Треба да ви е овозможено JavaScript за да ја видите..

Прочитајте и: „Моето дете има две години и сè уште не зборува“ - на прашање од родители одговара логопед Симона В. Николовска

©CRNOBELO.com Забрането преземање и копирање. Крадењето на авторски текстови е казниво со закон.