Рецепт за шарен, домашен пластелин од брашно

Ако ги „испукавте“ сите опции за забава затворени во четири ѕида, можеби е време да направите големи количини од домашен пластелин.

Пластелинот докажано ја поттикнува креативноста, но и развојот на дечињата.

Овој рецепт за домашно тесто-пластелин се базира на брашно, а поточниот сооднос на состојките е следниов:

• 2 шолји брашно
• 1 шолја сол
• Темперни или прехранбени бои
• 1 лажичка масло
• Жешка вода за замесување на тестото

Додадете ги сите состојки во еден сад со постојано мешање и додавајте вода или брашно додека не ја добиете саканата густина.

Од домашниот пластелин може да правите детски колачиња, животинчиња или нешто трето по желба.

Важно е по играњето, пластелинот да го чувате во сад со капаче, за да можете да го користите во текот на наредната недела.

М. Д. | Црнобело