Горда мајка го фотографирала своето тело 24 часа по раѓањето на петтото дете
Фотографката Ерика Ендрус го родила своето 5-то дете, а еден ден по породувањето решила да направи фотографија од своето тело и да ја објави на својот Инстаграм профил.
„Се справував со многу чувства, а знаејќи дека ова е последното бебе кое ќе го родам и последен пат како ќе изгледам и ќе се чувствував вака, решив моментот да го доловам во фотографија“ - објаснува таа.
„Вака изгледа телото по 24 часа од породувањето“ - напишала таа на својата објава.
Понатаму продолжува да објаснува:
„Бебето има потреба од поддршка. Кожа на кожа. Пелени за возрасни. Розов сјај. Чувствувам како моето тело да истрчало маратон, а моето срце е широко отворено од вчерашното патешествие.
Породувањето не отвора како земјотресот кој ја отвора земјата и сè уште се наоѓам во тоа интимно, кревко отворање.
Се чувствувам свежо. Емоционално. Поразлично. Се чувствувам како да се наоѓам сред бурен океан кој ме движи нанапред и наназад меѓу радоста, благодарноста, меланхолијата и тагата.
Пред 24 часа во себе носев друг живот, а пред 23 часа се трансформирав дозволувајќи му на тој живот да излезе од мене и во моите раце кои чекаат.
Празнината на мојата матка носи тешки чувства, но реалноста е дека нов живот чека на мене, бара дојка за нежно хранење и повторно се чувствувам исполнето.
Сè уште ја процесирам прекрасната транзиција низ која пропатува целото мое семејство и целосно сум воодушевена од силата која ја поседуваме ние луѓето, жените и мајките. Ова време е поинакво од било кое друго време.“
По само неколку дена фотографија беше лајкната повеќе од 140.000 пати и споделена повеќе од 39.000 пати, на Фејсбук страната
Фотографката и понатаму продолжила да го фотографира своето патешествие:
Н. Г. | Црнобело
Би можело да ве интересира:
