Најопасните предмети што може да ги проголта мало дете (и кои се знаците дека мора да одите на лекар)

Ако вашето дете проголта повеќе од еден магнет, тие може да се привлечат еден кон друг во неговото тело и да се оштетат желудникот или цревата.

Секоја година по илјадници деца голтаат различни предмети, а децата на возраст од 6 месеци до 3 години имаат најголема веројатност да проголтаат нешто што не треба.

Иако повеќето предмети што ги голтаат децата се безопасни и без проблем се пренесуваат низ дигестивниот систем и излегуваат со изметот, сепак, понекогаш проголтаните предмети се заглавуваат во хранопроводот.

Во ваквите случаи, лекарот ќе треба да го отстрани предметот.

Како да препознаете дали детето проголтало некој предмет?

Децата се непредвидливи и понекогаш може да проголтаат нешто и притоа да не ги забележиме.

Откако ќе проголта некој предмет, детето може да нема никакви симптоми, но индикациите дека нешто не е во ред може да вклучуваат кашлање, лигавење, крвава плунка, треска, одбивање храна и повраќање. Болката во вратот, градите или грлото може да биде уште еден знак.

Ако забележувате некој од овие симптоми или детето има проблеми со дишењето, испушта чуден звук при дишењето, ако не може да зборува, кашла или плаче, уште веднаш обратете се на лекар.

Кои предмети се многу опасни ако ги проголта вашето дете?

Магнет

Ако вашето дете проголта повеќе од еден магнет, тие може да се привлечат еден кон друг во неговото тело и да се оштетат желудникот или цревата.

Труењето на крвта е уште еден можен и сериозен проблем.

Мали кружни батерии

Овие батерии се сериозна опасност за децата. Ако некоја се заглави во хранопроводот, може да го изгори за неколку часа.

Ако детето е постаро од 1 година, може да давате 2 лажички мед на секои 10 минути додека да стигнете во болница, со цел да се обидете да спречите повреда. Сепак, најпрво јавете му се на матичниот лекар за да ви каже што точно да правите додека да стигнете во болница.

Штом предметот ќе дојде до стомакот, ситуацијата е помалку сериозна.

Остри предмети

Ако предметот е остар или голем, може да го блокира дишењето.

Не обидувајте се да го извадите предметот за да не предизвикате поголема штета, туку уште веднаш обратете се кај вашиот лекар.

Ако вашето дете проголтало помал предмет и не покажува знаци на негодување, тогаш може да му ја следите столицата и да видите дали предметот ќе го исфрли преку изметот.

Повеќето работи што децата ги голтаат поминуваат низ дигестивниот систем и излегуваат во рок од неколку дена.

Ако лекарите се загрижени, може да препорачаат рендген или ултразвук за да видат каде е предметот.

М. Ѓ. | Црнобело / фото: freepik.com