20 плажи во Европа кои вреди да ги посетите во 2022

Можеби сонувате за одмор во Тајланд или некоја друга егзотична дестинација, но факт е дека на нашиот континент се наоѓаат некои од најубавите плажи во светот. А, ова најдобро го покажува листата на Lonely Planet со 20-те најубави европски плажи за оваа година.

Оние најпопуларните се полни во текот на сезоната, но има и многу диви плажи, речиси недопрени од луѓето, па се совршени ако сакате мир.

Во посеверните земји, како Норвешка, има и плажи кои можеби не се најпогодни за пливање и сончање, но нивниот уникатен изглед е доволен за да ве натера да ги видите и да уживате по нив.

20 плажи во Европа кои вреди да ги видите во 2022 - која е вашиот прв избор?

Haukland, Норвешка

Оваа плажа се наоѓа на Лофотенските Острови, а овде ќе имате можност да ја видите и поларната светлина во зимските месеци.

Во лето водата е постудена – најмногу 15 степени – но дури и да не влезете внатре, сепак ќе бидете воодушевени.

Cala Goloritzè, Италија

Плажата се наоѓа во градот Баунеј во областа Сардинија. Опкружена е со огромни карпи кои сигурно ќе ви го привлечат вниманието, особено највисоката чиј врв достигнува 148 метри.

West Beach, Шкотска

Сместена на мало островче во Шкотска, ова е една од најизолираните плажи во Европа.

Иако можеби не е најпогодна за сончање и пливање, ако уживате во прошетките на плажа, ова е совршената дестинација за вас.

Plage de Palombaggia, Франција

На францускиот остров Корзика можете да ја видите оваа плажа која е совршена за летен пикник.

Благодарение на кристално бистрата вода, ова е одлична локација за љубителите на нуркање.

Platja Illetes, Шпанија

Оваа плажа се наоѓа во близина на познатата Ибица, но изгледа како потполно друг свет.

Ова е малечка плажа која поради убавината постојано е полна со туристи во екот на сезоната.

Barafundle Bay, Велс

Уште една плажа што можеби не е најдобра за пливање и сончање, но одлична е за оние кои ги сакаат прошетките.

На плажата има остатоци и од стари градби кои ќе ја разгорат имагинацијата на љубителите на историјата.

Praia Arrifana, Португалија

Плажата се наоѓа во јужниот дел на Португалија и е опкружена со карпи и планини што ѝ даваат доза интимност.

И овде има урнатини од стари градби, а поради брановите, можете да начекате и бројни искусни сурфери.

Cala Macarella, Менорка

Ако некогаш одите на шпанскиот остров Менорка кој се наоѓа во Средоземното Море, осигурете се дека ќе ја видите оваа плажа.

Плажата е вид залив опкружен со карпи, а поради тиркизната вода ова е навистина популарно место.

Navagio, Грција

Легендарната плажа на грчкиот остров Закинтос е една од најуникатните во Грција.

Сместена помеѓу огромни карпи, плажата е примамлива дестинација за бројни туристи. Овде има и стар брод што ѝ дава уште поуникатен изгледа на плажата.

Platha des Coll Baix, Мајорка

Бидејќи е делумно отсечена од копното поради карпите, најлесниот начин да стигнете до оваа плажа е со брод.

Ова е всушност дива плажа, но многу посетена, па најдобро е да одите многу рано наутро за да си фатите место.

Уште 10 плажи на следната страница...