Дестинации за момци: Во кои земји жените најмногу им приоѓаат на мажите?

На Американките не им е тешко да му дадат некому до знаење дека им се допаѓа. Доминиканките, пак, тргаат во освојување и без претходен сигнал.

Правилата за флертување одамна се променија, но судејќи по бројните истражувања, на мнозинството мажи и жени сѐ уште им е попријатно кога ќе се најдат во традиционалните улоги.

Мажите и понатаму почесто го прават првиот чекор, а жените сакаат кога ним им се додворуваат, што може да биде симпатично, доколку обете страни имаат исти погледи на романтичните средби.

Некои мажи ги нервира што постојано од нив се очекува да го направат првиот потег, додека девојките во земјите ширум светот веќе ги преземаат работите во свои раце, па им приоѓаат на момците што им се допаѓаат, без чувство на непријатност.

Истражувањето на апликацијата за забавување Badoo ги лоцираше најсмелите додворувачки во светот, па така настана и списокот на петте земји во кои жените почесто први им приоѓаат на мажите.

Ако имате сингл пријатели кои љубат да патуваат, задолжително препорачајте им ги следните дестинации:

1. Соединети Американски Држави

Смелите Американки се први на листата. Тие се жени кои не чекаат романсата да им се случи сама од себе. Живеат во голема земја каде луѓето постојано патуваат, па свесни се дека доколку не преземат нешто, мали се шансите дека истиот маж ќе го видат двапати. Тие немаат проблем со приоѓањето и запознавањето. Не губат време и не сакаат да играат игри за да го добијат она што го посакуваат.

2. Доминиканска Република

30 проценти од жените во Доминикана им приоѓаат на мажите, без разлика дали претходно примиле сигнали, или, пак, не од нивна страна. Кога ќе видат некого што ги интересира, тие се наоружуваат со насмевка и веднаш тргаат во освојување.

3. Канада

Ниту Канаѓанките не се плашат од мажите. Тие се жени кои не сонуваат бајки. Ним принц на бел коњ не им треба – самите ќе го пронајдат.

4. Чешка

Згодните Чехинки не сакаат со недели да чекаат, додека дечкото прв не ги покани на средба. Наместо тоа, ќе му предложат да излезат на пиво или заедничка дружба, па без пардон ќе се обидат да го освојат фраерот што им се допаѓа.

5. Тајланд

Тајланѓанките сѐ повеќе ги отфрлаат традиционалните обичаи, па така и срамот од повлекување на првиот потег. 19 проценти од нив изјавиле дека честопати тие им даваат до знаење на мажите дека им се допаѓаат. Додуша, повеќе на интернет страниците за запознавање.

М. А. | Црнобело