Панталони со пруги - идеални за лето (фото)

Пругастиот дезен е класичен и модерен истовремено, а ваквиот дизајн на панталони е мошне посакуван моден избор за сончевите летни денови.

Пругите на облеката се масовен тренд оваа сезона. Покрај пругастите кошули кои може да се пронајдат во продавниците на сите брендови за висока улична мода, претстојното лето големо внимание ќе привлечат и панталоните со вертикални пруги, внесувајќи свеж призвук во гардеробата на секоја дама.

Панталоните со пруги одговараат на секој облик на тело, затоа што визуелно ги издолжуваат нозете и сокриваат сите недостатоци.

Оваа сезона се носат широки панталони со пругаст дезен, во кои ќе изгледате модерно, а во исто време ќе се чувствувате многу пријатно.

За сончевите летни денови, изберете си пругасти панталони кои се направени од природни материјали, како што се памучно платно, лен или свила.

Едноставни се за комбинирање и може да ги носите во тандем со патики, маички, лежерни блузи, пак, кожна јакна или некое потопло парче - секако, при пониски температури.

За вечерните прилики, панталоните со пругаст дезен може да ги облечете со елегантни кошули и високи потпетици, постигнувајќи префинет и елегантен изглед.

Во продолжение, ви издвојуваме неколку впечатливи и стилски модели на пругасти панталони како инспирација. Ѕирнете ги фотките во галеријата и испланирајте ја вашата добитна летна комбинација:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. А. | Црнобело