Модниот стил на омилените тв хероини (фото)

Тие се неверојатно силни жени, кои зрачат со префинетост, елеганција и моќ.

Стилот на нашите омилени хероини од популарните тв серии е вистински доказ за индивидуалност и безвременска класика, неретко зачинет со модни парчиња од најновите колекции на познати дизајнери.

Трите лика ја имаат совладано техниката на стил на кој не му се потребни китења, за да изгледаат впечатливо и совршено, и се доказ дека не треба да носите нападни комбинации за да бидете забележани.

Стилистите на овие три дами имаат задача, која е истовремено забавна, но и предизвик – секогаш да изгледаат професионално од глава до петици и да носат облека која посакуваме да виси во нашите плакари кога сакаме да оставиме моќен и сериозен впечаток.

Клер Андервуд (House of cards)

Таа е вистинско олицетворение на минимализмот, без желба за никакви специјални додатоци или промена на нејзината фризура.

Клер е перфекционист, чија палета на бои при облекувањето е генерално монохроматска и еднобојна.

Чисти линии, едноставни кроеви со силно изразена силуета, скапи материјали и единствениот накит којшто Клер го преферира на нејзиниот врат – бисери.

Џесика Пирсон (Suits)

Џесика е вистинска моќна дама, а нејзиниот стил не отскокнува од карактерот на оваа дама со чоколаден тен. Слично како и Клер Андервуд, Џесика е исто така обожавател на еднобојниот спектар, но неретко си го дозволува и луксузот наречен принт и малку похрабри, волуменозни парчиња облека.

Оливија Поуп (Scandal)

Можеби најхрабрата од трите во групата, слободно можеме да се согласиме дека никој не носи капути онака како што тоа го прави Оливија Поуп.

Нејзиниот избор на сакоа, чанти и ракавици нè остава без здив, како и секогаш средената коса на која не стрчи буквално ниедно влакно. Оливија изгледа токму онака како што ѝ доликува на една дама – полирана и сјајна.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

(О)Милена | Црнобело