Невеста рачно си ја плетела венчаницата цели 8 месеци
22-годишната Аби Рамирез-Бодли од Арканзас не можела да си најде соодветен свадбен фустан со нејзиниот буџет, па решила сама да си го направи.
Нејзината тетка ја научила како да хекла уште кога имала само 3 години, а и самата решила да и помогне во проектот.
По 8 месеци напорна работа, Рамирез-Бодли конечно зачекорила пред олтарот со нејзиниот фустан од соништата кој чинел само 70$ и уште еден зелен фустан под белиот, кој чинел 100$.
„Тоа што сама си го направив фустанот го направи овој важен ден од мојот живот уште поспецијален“ – вели таа.
За оние кои се подготвени сами рачно да си го изработат својот свадбен фустан препорачува: „Започнете со време и не се откажувајте од идејата. Напорната работа вреди за крајниот резултат“.