Модни трикови со кои секој маж изгледа повисоко

Ако не можете да се пофалите со добра висина, тоа не значи дека не можете да успеете да побегнете на генетиката, туку дека тоа можете да го направите со неколку едноставни модни трикови.

Што можете да направите?

1. Носете една боја

Носењето на една боја, но во различни нијанси ќе креира илузија на висина. Темните бои се подобар избор, но избегнувајте ја црната боја, бидејќи така ќе изгледа како да сте уште пониски.

Ако комбинирате бои или тонови, држете се до потемните нијанси во долниот дел на телото и посветлите нијанси во горниот дел. На тој начин ќе го постигнете ефектот на издолжена фигура.

2. Избегнувајте широки спуштени и плитки пантолони

Носењето на вакви панталони визуелно ве скратува и ве прави пониски. Носете пантолони кои не се плитки, туку ја достигнуваат природната висина на вашиот струк и на тој начин ќе го постигнете ефектот на издолжена фигура.

3. Сакото е вашиот нов пријател

Добро скроеното сако ќе направи неколку добри работи за вашиот изглед: ќе ги направи поголеми вашите раменици, а и визуелно ќе ви додаде неколку сантиметри. Меѓутоа, гледајте постојано да го носите закопчано, бидејќи на тој начин ќе добиете послаб струк и поголеми гради, па и ќе изгледате витки.

4. Немојте да носите кратки ракави

Кратките ракави ја кратат вашата фигура, па подобро е да се одлучите за кошула со долги ракави кои можете да ги завратите.

5. Кошулата не треба да биде подолга од вашите колкови

Ако сте ниски и носите кошула, најдобро е да ја носите вовлечена во пантолоните, бидејќи така ќе изгледате повисоки.