Големо НЕ: 10 работи кои ниту една жена не смее да ги носи на работа

Освен ако не сакате сите да ве сметаат за непрофесионалец, ова се работите на кои треба да им кажете строго НЕ додека се облекувате за во канцеларија.

1. Било што без прерамки

Не покажувајте премногу кожа, посебно не голи раменици. Ако облекувате топ без прерамки, барем префрлете тенка марама.

2. Шорцеви

Тексас шорцевите се резервирани за викенд, но ако баш мора да носите нешто кратко, одберете должина над колениците и малку повисок струк.

3. Апостолки

Апостолките се носат само на плажа и базен, без дискусии.

4. Прекратки здолништа и фустани

Да, летото е идеално време да ги покажете навежбаните нозе, но ако не сакате сите да имаат скриени намери, подобро е да ги оставите кратките здолништа и фустани за по работното време.

5. Кратка маичка

Со гол струк? Апсолутно непрофесионално.

6. Маица која е подолга од шорцевите или здолништето

Ако на прв поглед делува како да немате ништо под маицата, тогаш прескокнете ја оваа комбинација.

7. Огромен шешир

Совршен за на плажа, но за во канцеларија? Не сте тргнати да се сончате.

8. Корсети

Работната атмосфера не е најдобро место да се гордеете со своето бујно деколте.

9. Било што проѕирно

Иако летните денови се идеални за лесни материјали, мора да се погрижите градникот да не ви се гледа. Ако веќе си купивте кошула која се проѕира, одоздола барем облечете топ во месо боја.

10. Долна облека која се ѕирка

Ова е соодветно само за тинејџерките на летните фестивали и журки.