Флуросцентна долна облека за да блескате во ноќта

Луксузниот италијански бренд „Cosabella“ има интересна долна облека која свети во мракот. Ваквите парчиња може да бидат забавни и за мажите и за жените, бидејќи се со убави светли и шарени бои кои изгледаат сосем вообичаено на светло, но при потполн мрак светат поради флуриосцентните бои.

Оваа секси линија на долна облека со гаќички и градници од тантела ја има во неколку бои, а цената им се движи од 45 долари за танга гаќички до 99 долари за „пуш ап“ градници.

Оние девојки и жени кои веќе ги пробале се импресионирани, бидејќи покрај тоа што се необични, интересни и атрактивни, тие се изработени и од удобен и пријатен материјал.

Флуросцентните пигменти се вткаени во материјалот, па затоа колку и да ги перете, нема да го отстраните сјајот.

Но, она што е неопходно за да светат овие парчиња долна облека е силна светлина, по можност сончева, за да се активираат флуросцентните пигменти. Откако ќе прими доволно светлина, тантелата може да свети во мракот околу еден час, а потоа постепено го губи сјајот.