Димитар Атанасовски со нова фотосесија за Celio*

Викендов тимот на Celio* се дружеше со својот бренд амбасадор Димитар Атанасовски за време на фотосесијата за есен/зима 2013.

Димитар носеше комбинации кои ги покриваат сите линии на овој француски бренд за мажи, почнувајќи од спортската колекција, секојдневната, лежерна колекција па сè до формалната колекција Celio* Club, која оваа сезона нуди одела со одлична линија кои Димитар ужива да ги носи.

Во оваа прилика, имаме и кратко интервју со него:

1. Веќе втора година си амбасадор на Celio* за Македонија. Како го доживуваш овој ангажман?

Димитар: Многу ми е драго што се случи оваа соработка со луѓето од Celio*, досега сум многу задоволен како се одвиваат работите, пред сè бидејќи лично многу ми се допаѓа брендот и одговара на моите потреби без разлика дали сум на телевизија, во радио или пак поминувам слободно време и се релаксирам.

2. Како ти се допаѓа новата колекција на Celio* за есен/зима 2013? Дали можеш да издвоиш некое омилено парче?

Димитар: Колекцијата е одлична! Уште кога стигнаа првите парчиња во продавницата на Celio* веќе имав некои фаворити кои дефинитивно ќе станат дел од мојот гардеробер сезонава  - тука се неколку пара на патики, чевли, една бомбер јакна и се разбира неколку одела кои според мене имаат феноменален крој.

3. Знаеме дека си ангажиран на повеќе различни проекти па од тебе се бара и различен стил на облекување за секој од нив. Кој стил најмногу ти лежи?

Димитар: Лежерниот стил, комбинацијата на џинс со маички со принтови и некоја интересна јакна можам да кажам дека најмногу одговара на мојот карактер и начин на живот. Сепак кога носењето на формална облека е задолжително, не ми претставува проблем, бидејќи ги сакам и оделата и поелегантните комбинации.

4. Кои се твоите впечатоци од најновата фотосесија за брендот и каде ќе можеме да ги видиме сликите?

Димитар: Сесијата беше забавна, супер си поминавме и мислам дека завршивме одлична работа. Стилот на фотографиите е минималистички, едноставен и чист, такашто облеката навистина доаѓа до израз. Фотографиите ќе бидат објавени на социјалните мрежи, на веб и  Facebook фан страната на Celio* и на неколку портали.

Ви претставуваме неколку фотографии од сетот за новата колекција есен/зима 2013 и како Димитар беспрекорно ги носи моделите на Celio*.

Наскоро, очекувајте и нова галерија со целосен каталог од овој врвен бренд.

• 
• 
• 
• 
• 
•