Што ќе носат модните блогерки оваа есен?

Изминативе денови, како што се ближи есенскиот дел од месец септември, така модните блогерки од целиот свет се збогуваат со своите летни изгледи. Уште на самиот почеток на овој месец им се посветија на вечно модерните есенски бои и малку подебели материјали.

Изгледа неизбежно е да имате тексас во вашиот гардеробер, како и карирани кошули и здолништа. Елегантните здолништа пак успешно ги комбинираат со лесни џемпери, кошули и тренди шпиц високи потпетици.

Додатоците и аксесоарите се неизоставни, со тоа што повторно ќе преовладуваат марамите, очилата за сонце, големите нараквици и огрлици и плик чантите.

Не се плашете да ископирате некој од следниве изгледи, затоа што блогерките се модниот врв кој треба да го следите ако сакате да постигнете моден погодок.