Како да ги изберете вистинските панталони според обликот на телото?
Постојат парчиња облека кои никако не смееме да ги носиме, а само поради обликот на телото. Ова не се однесува само на здолништата, фустаните и блузите, туку и на панталоните. Какви модели да бирате, а што да избегнувате?
Фармерките можеби им се омиленото парче облека на голем број жени, но ништо помал не е ни бројот на жени кои сакаат да носат панталони.
А, за да изгледате убаво и привлечно, потребно е да изберете модел кој најмногу ќе му прилега на обликот на вашето тело.
Каков облик на телото имате и кои панталони ќе ви стојат најдобро?
Превртен триаголник
Ако имате широки раменици, тесни колкови и недефинирана линија меѓу половината и колковите, вашиот облик на тело е превртен триаголник.
Избегнувајте тесни панталони припиени на нозете.
Избирајте панталони со рамни или широки ногавици и со повисок струк.
Песочен часовник
Ако имате тесна половина, а горниот дел од телото и колковите ви се со иста големина, тогаш имате тело со облик на песочен часовник.
Избегнувајте широки панталони и тренерки.
Избирајте потесни модели на панталони кои ќе ви ја нагласат половината, на пример модели со висок струк (со или без ремен).
Форма на крушка
Ако имате убаво дефинирана половина, тесни раменици и широки колкови, вашето тело е во облик на крушка.
Избегнувајте модели со џебови поради кои колковите ќе ви делуваат уште пошироки, но и тесни панталони.
Избирајте модели со висок струк, широки или рамни од колената надолу.
Форма на правоаголник
Овој тип на тело е лесно препознатлив по тоа што рамената, половината и колковите се со иста линија.
Избегнувајте рамни панталони кои дополнително ќе ја нагласат рамната линија на вашата силуета.
Избирајте панталони со низок струк или до папокот - карго панталони, со долги ногавици, ногавици свртени нагоре, со големи џебови...
Форма на јаболко
Ако имате тесни колкови, изразена половина и голем задник, тогаш вашето тело е во форма на јаболко.
Избегнувајте панталони со висок струк.
Избирајте панталони со широки ногавици, со џебови на задникот или од страните за визуелно да се добие впечаток на облини кај колковите.
А. Ј. | Црнобело
Би можело да ве интересира:
![](https://www.crnobelo.com/media/com_jvrelatives/images/thumbs/com_content_110387_400.jpg)
![](https://www.crnobelo.com/media/com_jvrelatives/images/thumbs/com_content_110607_400.jpg)
![](https://www.crnobelo.com/media/com_jvrelatives/images/thumbs/com_content_109031_400.jpg)
![](https://www.crnobelo.com/media/com_jvrelatives/images/thumbs/com_content_107928_400.jpg)
![](https://www.crnobelo.com/media/com_jvrelatives/images/thumbs/com_content_109276_400.jpg)
![](https://www.crnobelo.com/media/com_jvrelatives/images/thumbs/com_content_108233_400.jpg)