Модни парчиња и додатоци што жените со добар вкус ги избегнуваат сезонава (и што носат наместо тоа)

Розови аутфити и многу големи очила - кои модни додатоци и облека излегуваат од мода сезонава?

Жените што секогаш се во тренд и што сакаат да се облекуваат модерно секоја година го надополнуваат својот гардеробер со нови парчиња облека и нови додатоци.

Но, постојат работи што жените со добар стил нема да ги купат без разлика дали се во мода, а ако ги поседуваат ќе ги скријат некаде длабоко во гардероберот и ќе ги заборават.

Кои парчиња облека и модни додатоци треба да ги избегнувате сезонава?

Големи очила

Класичните очила во облик на мачкини очи веќе не се во мода.

Сезонава модерни се модели кои се малку потесни и благо закосени. Исто така, модерни се очила со рамки во боја (особено црвени) и со стакла во боја.

Најхрабрите може да се одлучат за футуристички модели на очила со необична форма.

Монохроматски тонови

Иако облеката во монохроматски тонови се смета за класика, сезонава предност им се дава на шарените фустани и аутфити во пастелни бои.

Исто така, во мода е и облека со риги и животински принтови, а најхрабрите дури и ги комбинираат овие дезени.

Панталони

Класичните панталони сезонава ќе бидат заменети со ултра кратки шорцови. Не е важен материјалот од кој се изработени, па така што ќе можеме да гледаме шорцови од кожа, тексас, твид, памучни, свилени...

Ако не сте подготвени за ултра кратки панталони, тогаш може да носите капри панталони од тексас или други материјали.

Розови аутфити

Минатата година светот беше зафатен од таканаречената Барби треска, па розовата боја ја гледавме насекаде, но годинава таа е заменета со светлосина нијанса.

Во овие тонови можете да најдете секакви парчиња облека - здолништа, блузи, маици и кошули - а најдобро е да ја комбинирате со црна, бела или црвена облека.

Уште помодерна е кобалтно сината нијанса, која ќе ја гледаме насекаде сезонава.

Продолжува на следната страница...