5 грешки кога комбинирате зимска капа (и како да ги исправите)

Темна капа не оди во комбинација со темни очила, но ни шубара не се комбинира со тенка јакна... Дали и вие ги правите овие грешки кога ја комбинирате зимската капа со облеката?

Кога температурите се околу или под нула, скоро и да не размислувате какво капче ќе ставите на глава, само сакате да ви биде топло.

Но, стилистите велат дека повеќето луѓе прават голема грешка при комбинацијата на различните видови зимски капи со облеката и советуваат како да ја исправите грешката.

На кои грешки треба да обрнете внимание?

Крзнена капа (или шубара) со тенка јакна

Грешка: Не треба да комбинирате топли крзнени аксесоари со тенки јакни или капути. Не го правете ова дури ни ако треба само да „тркнете“ до продавница. Овие две работи не можат никако да се спојат и изгледаат чудно во комбинација.

Како да ја поправите: Шубарата или крзнената капа носете ја во комбинација со дебел капут или со јакна обложена со крзно, но можете да ја комбинирате и со бунда.

Спортска капа со елегантен капут

Грешка: Не треба да комбинирате капа во спортски стил со класични капути. Ова не делува спортски шик, туку како да немате добар вкус. Едноставно, овие две парчиња не може да се спојат едно со друго.

Како да ја поправите: Изберете подебела универзална капа и комбинирајте ја со капут или дебело зимско палто. Ваквата комбинација покажува вкус и стил, особено ако носите и кожени панталони или долг плетен фустан.

Плетена капа со сличен плетен шал

Грешка: Не комбинирајте плетена капа и шал од истиот сет (или шал и капа кои се многу слични) бидејќи ваквата комбинација делува застарено и здодевно.

Како да ја поправите: Капата и шалот може, но и не мора да се во истата боја. Важно е да бидат од различен материјал за да не се претопуваат едно со друго. На овој начин ќе бидете во тренд и ќе делувате модерно.

Капа со шари во комбинација со истата облека

Грешка: Никако не смеете да комбинирате капа со принт кој е ист како вашата облека. Ова решение не изгледа добро ни на кукла во излог, а не па за да излезете во јавност.

Како да ја поправите: Не се фокусирајте на принтот, туку на нијансите. На пример, капата нека ви биде во слична нијанса со џемперот што го носите. Ваквата комбинација е секогаш во мода.

Тенка капа со тркалезни очила

Грешка: На тенка капа не одат тркалезни очила, бидејќи се менува пропорцијата на вашето лице. Исто така, грешка е да се комбинира темна капа со темни очила.

Како да ја поправите: Изберете голема, волуменозна капа и комбинирајте ја со очила во форма на квадар или правоаголник, а стаклата нека бидат светли или проѕирни.

А. Ј. | Црнобело