Како да препознаете зависник од секс?

Понекогаш е ова предмет на шега, но зависност од секс е вистински проблем. Влијае на социјалниот живот на зависниците, на психолошката, а со оглед на преференциите, понекогаш и на физичката состојба.

Зависност од секс тешко може да се дијагностицира, бидејќи е сè уште табу тема, а зависниците ретко бараат помош. 

Знаете ли како да препознаете зависник од секс?

Сексуална зависност е прогресивно растројство во интимноста, која се карактеризира со компулсивни сексуални дејства и мисли. Како и сите зависности, има негативно влијание врз зависниците, а проблемот се зголемува со напредокот на нарушувањето.

Оваа зависност доаѓа како и секоја друга зависност која секогаш зад себе крие нешто повеќе. Личноста не сака да се соочи со некој проблем, со тага, болка, губење на некој близок итн. Ова се катализира низ некои работи од кои се станува зависен.

Во случај на сексуална зависност, едно лице може да се чувствува осамено, отфрлено, несреќно и да побара некој друг начин да се задоволи и да ја пополни таа празнина.

Овие негативни чувства мора да се манифестираат, а се рефлектираат во облик на зависност.

Причините можат да бидат депресија или анксиозност, но зависноста може да ја предизвика и сексуална злоупотреба. Во повеќето случаи, поединецот има потешкотии со справување со емоции.

За време на сексот доживува мозочна стимулација, која ги компензира емоциите, а на крајот станува зависник од тоа чувство.

Постојат неколку знаци дека некој е зависник од секс:

Емоционални симптоми

Лицето без проблем влегува во односи со други луѓе, без разлика дали ги познава или не, и тоа го прави многу често.

Бидејќи се плашат дека ќе бидат оставени или напуштени, често остануваат во нездрави односи или одат во други екстреми, ги менуваат врските како чорапи, кога се чувствуваат празно или нецелосно, осамено и срамежливо.

Физички симптоми

Постојат и физички симптоми на ова нарушување. Меѓутоа, најчестиот симптом, кој може да се забележи, е чувство на физичка имобилизација, иритација, неподвижност, статичност и безволност поради сексуални или емоционални опсесии.

Запоставување на семејството, училиштето, работата итн. поради сексуалниот однос.

Оваа зависност не е безопасна. Околу 38 проценти од мажите и 45 проценти од жените се заразуваат со сексуално преносливи болести. Бременоста е, исто така, чест несакан ефект што може да настане поради ризично однесување.

Речиси 70 проценти од жените доживеале најмалку една несакана бременост поради оваа зависност.

Ашера | Црнобело