Банални работи за кои паровите најчесто се расправаат

Повеќето конфликти во романтичните врски се предизвикани од банални работи, кои постојано се вртат во круг.

Посебно, оние кои живеат заедно, најчесто се расправаат околу ситници како кој ќе ги измие садовите, кој ќе го фрли ѓубрето на -10, зошто капакот од тоалетната шолја не е спуштен и слично.

Веројатно многу парови ќе се препознаат во овие ситуации, за кои веројатно и не постои спас.

Ова се најбесмислените и банални работи заради кои паровите се расправаат:

Не спуштање капак од шолја

На девојките им оди на нерви кога ќе влезат во бањата и ќе видат дека капакот од шолјата е кренат и драмата почнува – тие викаат и се расправаат, додека мажот не сфаќа што е толку голем проблем и зошто не може самите да си го спуштат без да прават драма. Тој постојано го крева и не се жали...

Кој ќе ги измие садовите

Ручате во хармонична атмосфера и сè е во ред, кога одеднаш доаѓа време за миење садови...

Мажот брза да фати место на каучот бидејќи има фудбал, а жената почнува да се жали дека по цел ден работа и готвење, и таа има право да се испружи и да прочита една книга.

Скандалот ги преминува сите граници, до степен што натпреварот веќе е завршен, а книгата уште не е отворена, а во кујната има брдо садови.

Кога ќе снема тоалет хартија

А, секогаш се случува во погрешно време и не проверувате однапред дали има тоалет хартија каде што секогаш стои, па кога ќе посегнете и сфатите дека ролната е празна, почнувате да правите листа со обвиненија за партнерот кој бил последен во тоалет...

За тоа што едниот не знае да направи добра слика од партнерот

Жените најчесто посакуваат да имаат совршени фотки каде и да отидат, но се соочуваат со проблемот што момчето не знае да направи ниту една добра фотка и ги фаќа во сите најлоши пози. Мажите пак, сонуваат за девојки кои нема да ги заморуваат да ги сликаат на секој чекор...

За тоа што едниот се шета со чевли низ дома

„Само што го избришав подот, зошто шеташ со чевли?!“ – вака звучи почетокот на скандал во кој едниот се жали дека другиот не ја почитува неговата работа и труд и мисли само на себе..

За тоа што едниот ја остава пастата отворена

Кога едниот ќе влезе да измие заби и ќе забележи дека капачето не е затворено, следи драма, бидејќи – колку може да биде тешко да ја затворите пастата по употреба?!

За тоа што едниот гледа нова епизода без другиот

Паровите најчесто имаат слични интереси и кога станува збор за гледање серии, па многумина заедно гледаат епизода по епизода. Но, кога едниот ќе ја изгледа следната епизода без да го почека другиот, тогаш настанува скандал... Веројатно ви е познато.

За алармот

Колку пати се случило да не мора да станете толку рано, но алармот на партнерот да ја изместува цела куќа од место, додека тој мирно спие и воопшто не го слуша? Па, вие мора да станете, да одите до неговиот телефон и да го исклучите алармот, па ако дознаете дека тој се преправа...

М. М. | Црнобело