Како да ја побарате за жена

Вечера во добар ресторан како идеја веќе и не е така оргинална, па затоа многумина мажи ќе бараат нови начини како да го направат “вистинскиот” чекор.

Земете ги во предвид карактеристиките што го одликуваат вашиот партнер/партнерка, но и она што вас ве прави посебни како пар.

Предлогот за брак би поминал најдобро доколку ги земете во предвид овие дава параметри. Она што вас како пар ве прави поразлични од другите, може да помогне при создавањето на оргинална идеја.

На пример, ако сте авантуристички тип тогаш вашата партнерка можете да ја побарате во балон за летање и слично.

- Поставете знаци кои што партерката би требала да ги следи со намера да стигне да вистинскиот поклон за неа - прстенот.

- Сетете се на првото ваше излегување, вашиот прв состанок, првиот бакнеж или некој друг важен момент во вашата врска и побарајте ја за жена токму на тоа место.

- Доколку имате заедничко домашно милениче можете да го искористите за покреативно да ја побарате за жена. Ставете го прстенот на ремчето од мачето или кучето...

- Доколку пак немате никаква идеја, тогаш разговарајте со вашите пријатели. Самиот разговор може да ве потикне на нешто креативно.

- И за крај, запомнете дека најважно е да земете во предвид што и би и се допаднало на вашата партнерка, а не што ви се допаѓа вам. На пример: доколку таа не сака да привлекува внимание, тогаш немојте тоа да го правите во јавност.

Едноставно, во овој миг не смее да има грешки!