Правила за караници во врска

Не сакате да се расправате, но се случува? Несогласувањата и кавгите се дел од секоја љубовна врска. Едноставно е невозможно да го делите животот...

 

...со некого, а порано или подоцна да не дојде до конфликт, па колку и да е мал и незначаен.

Што треба да внимавате кога веќе сте започнале караница со саканите?

1. Без навреди

Во екот на расправијата честопати се случува да кажеме некои работи кои не ги мислиме и без да сакаме почнуваме да се навредуваме. Внимавајте што ќе кажете. Не сакате да се каете за нешто што сте го кажале избрзано без да размислите.

2. Не бегајте од темата

Понекогаш се случува во текот на караницата од една тема да се преселите на друга и на крај се расправате за некоја сосема трета работа. Не ја инволвирајте темата од претходната недела. За џабе ќе изгубите време и уште повеќе ќе го разгорите огнот.

3. Запомнете која ви е целта

Важно е да знаете што сте сакале да постигнете и да добиете од партнерот. Немојте бесцелно да започнувате караница за која подоцна ќе се каете.

4. Научете да кажете извини

Доколку не ја превземате одговорноста за караницата и само луто си заминете, нема да го решите проблемот. Вие ја започнавте караницата - вие треба и да научите како да ја завршите. Да- виновни сте и сега е време да кажете “извини“. Магичното зборче кое најчесто ги решава и најголемите проблеми.

5. Не се карајте во јавност

Ако нешто ве налути никако не започнувајте караница кога се присутни и други луѓе во просторијата. Продавници, канцеларии, трговски центар, дискотека - нека не ви паѓа на памет! Почекајте момент кога ќе бидете на само. Воздржувањето некогаш е најдобро решение.