Џентлмен или насилник: Погледнете му ги прстите и откријте каков е

Едно истражување открива дека релативниот однос во должините на домалиот прст и показалецот кај мажите укажува на тоа какво однесување имаат кон жените.

Покрај себе имате човек кој е многу пристоен и културен? Вашиот најблизок пријател и соседот кој е на чекор од вас се вистински џентлмени. Сепак не избрзувајте со заклучоците. Тоа што секогаш ви помагаат со тешките предмети или утринското кафе не е дека се само добро воспитани. Во нивното пристојно однесување главна улога игра и физиологијата. Одговорот се крие во нивните дланки.

Таков е случајот и со вашиот партнер. Погледнете во неговите дланки. Тие имаат да ви кажат нешто повеќе за тоа како и во иднината ќе се однесува кон вас.

Имено, најновите истражувања покажуваат дека нивоата на тeстостерон дирекно влијаат на физиономијата на прстите. Психијатарот Сајмон Јанг од Универзитетот МекГил твдри дека, мажите со подолги домали прсти и пократки показалци генерално многу подобро се однесуваат кон жените.

Истражувањето е направено на тој начин што на 155 мажи на возраст од 18 до 54 години, им бил следен социјалниот живот. Сите испитаници морале да ги забележат сите интеракции кои траеле подолго од пет минути и да го опишат карактерот и однесувањето на другата личност и секако меѓу другото им била измерена и должината на прстите.

Мажите со подолги домали прсти почесто се пристојни, љубезни, насмеани и подготвени се за компромис и сочувство. Овие мажи се подруштвени и во текот на својот живот поголема е веројатноста дека ќе имаат повеќе деца.

Мажите со иста должина на домалиот прст и показалецот се критички настроени кон жените и почесто влегуваат во кавги и расправии. Многу почесто користат повишен тон и сарказам во разговорот.

Уште една дополнителна информација која е откриена во ова истражување е следново. Внимавајте на домалиот прст на вашиот драг затоа што тој исто така укажува и на можноста за неверство и афери. Ова е откриено во истражувањата на универзитетот Оксфорд.

Во овој случај и за двајцата партнери важи истото, значајно подолгите домали прсти укажуваат на поголема шанса за тоа да откако ќе стапат во брак или воопшто имаат долги врски да погледнат и на страна, додека пак оние личности кои се со еднаков домал прст и показалец, преферираат моногамија и вероност.