Глупави кавги кои ве очекуваат кога ќе почнете да живеете заедно

Заедничкиот живот не е ни малку лесна мисија. Дури и оние парови кои со години се познаваат, не успеваат така лесно да се научат на сите ситници кои со себе ги носи заедничкото будење и заспивање.

Многу навики треба да се променат, а и слободното време треба внимателно да се распореди. Токму затоа, кавгите се случуваат за најглупавите и најситните работи за кои мислевте дека никогаш нема да си преречете.

Сè што треба да имате на ум е колку го сакате партнерот и дека заедничкиот живот не може да започне без овие 7 банални кавги.

1. Повторно не ја спушти WC даската?

Иако мислевте дека не ви пречи, првиот камен за сопнување ќе биде токму даската во тоалетот. Мажите немаат навика да ја спуштаат, а жените пак се гадат да ја допрат со раце. Затоа важно е да постигнете одреден комрпомис. На пример, договорете се дека вие ќе го изнесувате ѓубрето од тоалетот секој ден, а тој да ја спушта даската.

2. Чорапите не треба да стојат на земја!

Валканата маица на кревет, чорапи на земја, јакна во дневна на тросед... и списокот нема крај. Таквиот неред често предизвикува ситни кавги, но за среќа и за нив има решение - пластична корпа за валкана гардероба.

3. Пак нема млеко!

Ви треба млеко за кафе, го отворате фрижидерот, но пакувањето е празно - ова сценарио нема на кој не му се случило. Ако партнерот постојано ја остава празната опаковка во грижидерот, нагласете му го тоа. Можеби не е свесен и тоа му е глупава навика. Плус, ставете парче хартија на фрижидерот и секој ден запишувајте ги намирниците кои ќе ги потрошите.

4. И денес не ги изми садовите?

Валканите садови се посебно иритирачки ако едниот партнер постојано ги мие, а другиот ги избегнува. Тука ќе ви помогне само пишаниот распоред.

5. Родителите повторно дојдоа без најава...

Штом се вселите, заедно во пакет со партнерот ги добивате и родителите. Тешко е да се согласите со саканата личност, а тек со свекрвата... Ако родителите на партнерот доаѓаат често и без најава тоа едноставно ќе го решите со разговор. Или барем замолете ги културно да ви се јават „за да можете да спремите нешто“ следен пат.

6. Зошто не ми се јави?

Постојаниот извештај за оној кој подоцна се враќа може да биде непотребен, но за оној кој чека дома е неопходна навика. Тоа често носи немир во односите, па затоа е доволно оној кој никогаш не се јавува да ја искуси истата ситуација. Верувајте дека ќе го начекате со чад низ уши.

7. Веќе воопшто не излегуваме...

Со заедничкиот живот излегувањата се ретчат, а тоа знае да биде причина за големи кавги. Партнерите почесто размислуваат што им треба за да го наполнат фрижидерот или какво средство за чистење да одберат, заради што романтиката умира. Најдобро е да си направите ден за состанок и да знаете дека тој ден во неделата не смеете да договорите ништо друго. Без оправдувања и исклучоци!