Ако ги прави овие работи, време е да го откачите

Можеби веќе некое време не е сè како на почетокот и чувствувате струење на некои негативни вибрации. Сепак, сè уште сте вљубени, па се правите како да не забележувате или мислите дека ви се причинува нешто негативно.

Секогаш е тешко да се прифати кога нешто не оди, колку и да сакате, но мора да ги забележувате знаците околу вас.

Доколку прави некои од овие работи, подобро е на време да го откачите, пред тој да го направи истото:

1. Некогаш се јавува, некогаш не

Постојат денови кога се слушате и правите планови, но еднакво толку денови има и кога воопшто не се слушате, како воопшто да не постоите.

2. Се гледате исклучиво кај него дома

Се чини како неговиот дом да ви е единствено место за гледање, како да се криете за никој да не ве види.

3. Расположен и опуштен е само ако се напие некоја чашка

Штом се напие со другарите, веднаш му се подобрува расположението, ви се јавува, ви зборува, ви посветува внимание. Но, ако е обичен трезен ден, најчесто за сè ви замерува и ви префрла. Тоа не значи дека во виното е вистината, туку дека е аларм за што побрзо да си заминете.

4. Има многу „пријателки“

Во ред е да се има големо друштво, нормално дека не треба да ги заборави другарите и другарките од претходно, но појавувањето на многу нови пријателки или ако почесто излегува со другарките отколку со вас, тоа е уште еден аларм.

5. Не е подготвен за сериозна врска

Почнува со изјави дека нема доволно време, не може да ви го посвети вниманието кое го заслужувате, не е тип за врска... подобро и вие да не бидете.

6. Ги коментира другите девојки со вас

Според него нема ништо лошо да го коментирате задникот на некоја девојка која поминува. Можеби ќе се потрудите да не забележувате кога ја мерка, но ако уште тоа самиот го истакнува, нема потреба да го трпите.

7. Почнува со изјавите дека заслужувате нешто подобро

Подобро послушајте го пред тој да си најде подобра и искористете ја шансата која ви ја дава, да си заминете прва.