Ако не одите на одмор: 5 идеи за жежок секс дома

Ако не сте отпатувале на одмор, не се наоѓате на некоја плажа и не го гледате најубавото зајдисонце, тоа не значи дека не може да имате одличен секс и дома.

Подготовки

Посветете доволно внимание и време на подготовката за секс - релаксирајте се во када, средете ја косата, издепилирајте ги нозете и налакирајте ги ноктите. Направете цел ритуал со пријатна музика и вечерта ќе бидете посебно расположени.

Направете си домашна плажа

Зошто домот да не ви биде плажа? Облечете бикини, мачкајте се меѓусебно со лосион со мирис на кокос кој ќе ве потсети на мирисот на плажа, пуштете некоја летна музика и направете си ледени коктели.

Направете си хотелска соба

Што прво гледате кога ќе влезете во хотелската соба? Огромната спална, убаво наместена, која едноставно ве повикува на секс, а тука некаде е и огромното огледало. На перниците ставете по некое чоколадно бонбонче или цвет и ќе добиете впечаток како да не сте дома.

Купка со меурчиња

Наполнете ја кадата со пенлива купка со мирис на јасмин, запалете неколку свеќи и подгответе два големи, бели и меки пешкири. Ако немате када, застанете под тушот и испробувајте нови пози.

Излежувајте се, водете љубов, заспијте и повторно водете љубов

Додека сте на одмор, може да си дозволите да се излежувате во кревет и по цел ден. Водете љубов и останете во кревет цел ден. Јадете во кревет, спијте, водете љубов. Не е важно по кој редослед.