Летни секс грешки кои не смеете да си ги дозволите

Разголената кожа, лудите и незаборавни забави и романтичните зајдисонца ги отвараат границите на вашата слобода.

Сексот во лето е едно посебно доживување без разлика дали станува збор за секс под отворено небо или зад затворени врати.

Доколку сакате да пробате секс на плажа, на трева или на било кое друго место наоружајте се со информации кои ќе ви бидат од големо значење.

Овие работи мора да ги знаете доколку се одлучите за едно поинакво уживање. Не дозволувајте си да „паднете” во летните замки и бидете претпазливи за следново:

1. Чувајте ги кондомите на ладно место

Високите температури ги уништуваат кондомите, затоа во ниеден случај не ги чувајте во автомобилот или на места на кои тие би биле изложени директно на сонце. На тој начин се зголемува и ризикот од сексуално преносливи болести како и несаканата бременост.

2. Жешките страсти во вода го зголемуваат ризикот од болести

Сексот во вода можеби ви звучи како одлична идеја, но размислете повторно пред да се одлучите. Ризикот од сексуално преносливите болести и инфекции се зголемува повеќекратно во вода. Иако кондомот сето тоа го спречува, имајте на ум дека тој се уништува од хлорот во базените. Сексот во море, река, езеро е исто толку опасен како и оној во базените.

3. Доброто расположение може да го уништат инсектите

Освен што треба да обрнете внимание на приватноста, кога станува збор за сексот под отворено небо мора да обрнете внимание и на опкружувањето во природата. Инсектите и некои видови растенија можат да бидат вистински уништувачи на расположението и да ви нанесат разни алергии и иритации.

4. Пиењето алкохол од тело може да доведе до сериозни иритации

Пиењето текила од стомак е навистина интересна идеја, но не е баш најдобра при високите температури. Ако сте изложени директно на сонце лимонот може да ви направи изгореници, црвенила и разни иритации кои ќе го уништат вашиот одмор.

5. Потта ве прави привлечни

Иако потта ја сметаме за непријатна, сепак во текот на сексот токму нејзиниот мирис го привлекува партнерот. Не грижете се за потта, бидејќи во текот на сексот станувате посакувани.

6. Секогаш имајте вода до креветот

Сексот во летниот период делува како еден мини тренинг. Во текот на сексот се губи премногу течност од телото и затоа е најдобро секогаш при рака да имате шише со вода за да не се доведете себе си до дехидрација.

7. Уживајте во миговите

Наместо да имате брз секс поради кој дополнително ќе се изморите заради високите температури, најдобро е да уживате и да ги оставите страстите да ве водат. Жените и мажите доживуваат јак оргазам кога задоволството се одвива бавно и нежно.