Урнебесен прирачник за секс: Брачна Камасутра

Книгата „Брачна камасутра“ има ист формат и стил како и добро познатиот прирачник за позите во сексот. Со поднаслов „Најеротичниот прирачник за секс на светот“ дело е на авторите Симон Рич и Фарли Кац и дава интересен поглед на бракот.

Кога жените го чистат просторот околу нозете на мажот и кога го тргаат она што би требало да се исчисти, тоа се вика „туркачка поза“.

Почетокот на секоја врска е исполнет со страст и силни емоции. Кога ќе завладее рутината, работите неминовно се менуваат. Во тие промени некој помалку, а некој повеќе ужива, но тие се одлична инспирација за духовит приказ на машко - женските односи. 

Првата „Камасутра“, древен текст на индиската книжевност, настанала помеѓу 400 и 200 година пред нашата ера и содржи 64 сексуални пози.

Втората, онаа брачната создадена е во 2013 година и го содржи следното:

Кога мажот ги става садовите во машина за миење садови, а жената мора тоа да го поправи, бидејќи се погрешно направил, тоа е поза „машина за миење садови“.

Кога жената бара мажот да и купи нова облека, бидејќи ништо не и купил со години и изгледа ужасно, а тој одбива тоа да го направи, додека жената го турка во продавницата на „Брукс и Брадерс“, станува збор за поза „тврдоглава коза“.

Кога жената влегува во соба, а мажот бргу го затвора својот лаптоп бидејќи на Фејсбук го гледал профилот на бившата девојка, тоа се вика поза „неизвесност“.

Кога мажот оди на спортски натпревар со други мажи, а сопругата во негово отсуство си дозволува долго капење во када и пие вино од кутија, тоа е „поза на мир“.

Кога мажот нежно го бакнува вратот на својата жена, а таа внимателно ги допира неговите гради и детето влетува во собата врискајќи затоа што слушнало страшен звук или некоја друга глупост, во прашање е „прекинат конгрес“.

Кога мажот ќе испушти непријатен гас пред својата жена и при тоа не се извини, станува збор за „поместување на стандардите“.

Кога жената и мажот се на вечера со друг брачен пар кои имаат поголеми проблеми од нив, си ги стискаат рацете под масата и меѓусебно блескаат од супериорност, тоа се вика „перверзни љубовници“.

Кога децата се кај бабите, а жената и мажот имаат план да излезат, но наместо тоа одлучуваат во 19.30 да испијат таблети за спиење затоа што им недостасува сладок сон, тоа се вика „валцер на мрзливи“.