Блондинките најмногу изневеруваат

Едно испитување кое истражувало дали има бојата на косата кај мажите и жените врска со верноста, покажало дека блондинките убедливо се најневерни. Интернет страната Cheatterville неодамна спровела анкета помеѓу корисниците за да дознае дали бојата на косата и изневерувањето имаат нешто заедничко.

Cheatterville чиј слоган гласи „Немојте последни да дознаете“ е наменет за сите оние кои сакаат јавно да ги прозиваат своите неверни партнери и при тоа можат да проверат и други имиња кои се на црната листа.

Судејќи според резултатите кои се добиени – бојата на косата навистина игра голема улога!

Истражувањето сугерира дека најмногу изневеруваат блондинките, а што се однесува до машкиот пол – главни швалери се оние со смеѓа боја на коса.

Меѓу неверниците 43 проценти се блондинки, 23 проценти бринети, а најверни од сите се црнките.

Најневерните мажи се смеѓи (40%), следат црнокосите со 23%, плавите 20% и црвенокосите 5%.