5 работи кои не би требало да ги правите пред партнерот

Без разлика на тоа дали парот е во брак десет години или е во врска неколку месеци, порано или подоцна ќе дојде до точка наречена „зона на комфор“.

Некои жени само престануваат да се дотеруваат, а други претеруваат дозволувајќи нивниот маж да види сè што се случува во нивниот секојдневен живот.

Иако секој пар може да ги одреди своите граници на приватност, едно е сигурно – постојат работи кои не би требало да се прават пред партнерот.

Ова е попис на ритуалите на кои животниот партнер треба минимално да го изложувате. Во секоја врска мора да постои некоја тајна.

Предлагаме ова да бидат вашите тајни:

Депилација

Последната работа која вашиот партнер сака да ја види е сликата на неговата сакана како се депилира под пазуви, или на лицето. Чупањето на веѓите или бричењето на нозете не е така страшно, но депилацијата на надусниците и отстранувањето на влакна од носот не е секси! Освен ако вие и вашиот сакан не сакате се да биде „природно“, држете го овој хигиенски ритуал зад заклучена врата.

Одење во тоалет

Добро, некои парови немаат проблеми „тоа“ да го прават со отворена врата. Меѓутоа, тоа е ритуал кој никогаш не треба да се прави пред партнерот. Иако можеби сакате да го покажете своето вистинско „јас“, вратата на тоалетот е измислена со добра причина. Тоа е приватно место, затоа предлагаме да си земете списание, а не партнерот.

Истражување на мозолчиња

Природна е потребата да се залепиме на огледалото штом ќе забележиме некое мозолче. Меѓутоа, потполно непотребно е да се чисти лицето пред вашиот партнер. Многу мажи не се оптоварени со својата кожа како жените и нема да разберат зошто вашето мозолче на брадата ве прави нервозна. Би можел дури и да помисли дека вашата опсесија со кожата е малку чудна. Покрај тоа, ни вие не би сакале да видите како тој се ослободува од своите мозолчиња.

Мидери

Без разлика на тоа колку сте тенки, нема жена која понекогаш не облекува мидер. Едноставно некои фустани покажуваат малку повеќе, па мидерот е наједноставното решение. Тие чудесни мидери би требало да бидат добро чувана тајна помеѓу жените.

Зборување за килограмите и бившите...

Многу мажи тврдат дека баш овие две теми жените никогаш не смеат да ги започнат. Ако сте се здебелиле, зборувајте за тоа со пријателките или со тренерот на фитнес. А ако почувствувате потреба да зборувате за бившиот, излезете со пријателките. Се разбира дека постојат одредени околности во кои што морате за овие теми да зборувате и со вашиот сакан, но сведете го тоа на минимум.