Фрази кои може да ви го уништат односот со шефот и со што да ги замените

Независно колку и дали воопшто сте во близок однос со шефот на работа, постојат граници кои не смее да се преминат.

За да го добиете тоа што го сакате, а притоа да не си направите проблеми, треба да знаете како да пристапите на правилен начин.

Многу често се случува вработените да си го нарушат односот само заради погрешните фрази кои ги користат и може да предизвикаат бес од другата страна.

Во продолжение погледнете кои фрази може да ви го уништат односот и со кои да ги замените за да добиете што сакате:

„Сакам покачување на платата, имам трошоци, треба да ја реновирам куќата.“

Подобар начин: „Мојата продуктивност е зголемена за трипати во последните 6 месеци и сакам да побарам покачување.“

„Може ли да си одам порано денес? Секако нема работа и досадно е.“

Подобар начин: „Може ли да излезам денес малку порано од работа?“

Mногумина после оваа фраза имаат потреба да кажат оправдување, но не секогаш е потребно, доволно е да кажете дека имате обврски, а не да укажувате на досада и недостаток на работни задачи.

„Тој е крив за тоа!“

Подобар начин: „Во ред, во право сте, го пропуштив тој детаљ. Ќе бидам повнимателен/а, а сега ќе се обидеме да го решиме вака...“

„Не можам веќе, си одам!“

Ако после секое несогласување излегувате демонстративно и велите дека ќе си одите, не се чудете ако по неколку пати повторување, следниот пат кога ќе ја затворите вратата, никој не ве прими назад.

Подобар начин: „Мислам дека имаме различни мислења на оваа тема. Ајде да пробаме вака...“

„Не можам, зафатен сум“

Подобар начин: „Имам многу работа и со проектот кој ми го доделивте вчера. Која од овие задачи е поприоритетна за да ја завршам побрзо?“

„Како сакате, тоа не е мој проблем“

Подобар начин: „Можеби не сум експерт, но сметам дека е подобро да биде на овој начин...“

„Ама јас мислев...“

Подобар начин: „Изгледа дека не сме се разбрале. Ќе ја поправам грешката и ќе бидам повнимателен/а.“

M. M. | Црнобело