Како да им се вратите на обврските по одморот?

Времето на годишни одмори помина и сега е време со нови сили да го започнете она што го правите цела година. Но, како најлесно да им се вратите на утрата во 7 часот, јаките кафиња и еден куп обврски?

1. За почеток обидете се на работа да се вратите во средина на седмицата, за полесно да се прилагодите. Викендот кој е блиску ќе ви помогне повторно да се одморите, па да започнете со нови сили.

2. Сите сакаат да поминат повеќе време покрај море, па се враќаат ден пред да тргнат на работа. Но, тоа значи дека на работа ќе бидете поизморени отколку ако се вратите барем 2 дена порано.

3. Без оглед на тоа што морате да се вратите на секојдневните обврски, дајте си малку слободно време за работите кои ги сакате и ве тераат да се опуштите.

4. Секогаш имајте на ум дека откако ќе се вратите на работа сигурно ќе имате уште некој продолжен викенд или неработен ден.

5. Веднаш штом се вратите на работа поставете си цели и мотивирајте се. Направете распоред кој ќе ви ги олесни првите денови во канцеларијата.