Како да се ослободите од вишокот кожа после слабеење?

Доколку успешно сте изгубиле голем број килограми, можно е да ви остане вишок кожа. Важно е да знаете дека ова е чест проблем кај луѓето кои изгубиле над 20 килограми за брзо време.

Но, постои решение и за овој проблем.

Ризични фактори за вишок кожа после слабеење:

Покрај бројот на изгубени килограми, постојат и други нешта што имаат влијание врз појавата на вишок кожа.

Возраст: Како што стареете, кожата почнува да ја губи еластичноста.

Генетика: Гените одредуваат колку ќе ослабе и остаре вашата кожа.

Изложеност на сонце: Сонцето може да ја оштети кожата и да ја намали нејзината еластичност.

Исхрана и течности: Доколку не пиете доволно вода и не се храните здраво, кожата ќе страда.

Пушење: Пушењето го забрзува процесот на стареење на кожата.

Како да се справите со вишокот кожа?

Сечие тело е различно, па секој ќе има разни последици од слабеењето. Некои луѓе нема да имаат проблем со вишокот кожа, а на некои им е потребна дури и операција за да ја отстранат.

Сепак, постојат и неколку работи што можете да ги направите за да се справите со овој проблем.

Не слабејте нагло

Најдобриот начин да се справите со проблемот е да го избегнете што е можно повеќе. Брзото губење на килограмите речиси сигурно ќе ве остави со вишок кожа, па обидете се да слабеете побавно.

Во текот на една недела не треба да ослабите повеќе од еден килограм.

Секој ден нанесувајте крема

За време на диетата телото се намалува, а кожата мора да ја задржи својата еластичност. Во овој случај ќе ви помогнат кремите и лосионите за тело. Секоја вечер пред спиење нанесете дебел слој крема.

Пилинг

Правете пилинг еднаш неделно и на овој начин ќе ги отстраните мртвите клетки и ќе го одржете здравјето на кожата.

Стегајте ги стомачните мускули во текот на денот

Во текот на денот стегајте ги стомачните мускули што е можно повеќе. Додека седите, возите, гледате филм… стегнете ги стомачните, држете околу една минута, па опуштете ги.

Пијте многу вода

На кожата ѝ е потребна влага, па не заборавајте да пиете вода. Покрај тоа, на овој начин телото полесно ќе ги исфрли токсините и вашата кожа ќе изгледа поздраво.

Вежбајте со тегови

Вежбањето е клучно за здравото слабеење. Не треба да ги занемарите мускулите бидејќи тие ќе ви помогнат да ја затегнете и кожата.

Масажа

Масажата ја одржува и ѝ ја враќа еластичноста на кожата. Па, еднаш неделно масирајте се самите или одете во салон.

Спирова С. | Црнобело