Колку време е потребно за да ги забележите првите резултати од вежбањето?

Дали е најважна должината на тренингот, или има нешто и во квалитетот? Всушност, постои „тајна врска“ помеѓу вежбањето и „тајмингот“. 

 

Веројатно се имате запрашано и дали е поважна исхраната или фитнесот.

Дознајте нешто повеќе во продолжение за факторите кои се клучни за да добиете резултати во слабеењето:

Континуитет

Континуитетот секогаш дава резултати. Ако нешто правите често и доволно долго, а притоа најдете начин да ја засакате и да уживате во активноста, резултатите сигурно ќе дојдат и ќе ве мотивираат за уште поголема посветеност.

Квалитет

Не секогаш е важно времетраењето на тренингот. Многу поважно е што правите во тој период. Секој треба да има план, прилагоден на својата физичка подготвеност, но и да работи постепено.

Почетникот можеби ќе тренира 3 пати неделно по 45 минути, додека поискусните можат да вежбаат и 6 пати неделно, по час и половина.

 

Резултати

Доколку строго се придржувате до одреден план за вежбање и исхрана, првите резултати ќе ги забележите за два месеци. По три месеци и другите ќе почнат да ја забележуваат промената во физичкиот изглед.

 

Исхрана

Што е поважно, вежбањето или исхраната? Изгледа дека овие две нешта не можат да се разделат. Постојат луѓе кои никогаш не вежбале и кои не внимавале на исхраната, а кога ќе почнат само да вежбаат, сигурно ќе постигнат и некој резултат.

Но по некое време ќе дојде и до фаза на стагнација. Ова е моментот кога ќе треба да се променат и навиките во исхраната. Дури тогаш телото почнува да се менува на подобро.

Спирова С. | Црнобело