Згодна мајка не се откажува од теговите, дури и го носи своето бебе во теретана

Ли Ен Елисон е 35-годишна мајка која неодамна предизвика бурни реакции за фотографијата која ја објави на својот Фејсбук профил. На неа, јасно се гледаше дека во доцните месеци на бременоста напорно вежба со тешки тегови.

Сега, 4-месечното синче на Ли Ен полека се навикнува на теретаната, каде таа постојано го носи, па понекогаш и го дои додека ги затегнува мускулите.

Само 3 недели по породувањето, Ли започнала со стандардно напорните тренинзи кои ги обожава.

- Знаев дека морам да бидам фит и силна за време на бременоста, затоа што моето тело е навикнато на напорни тренинзи. Сè што е спротивно на тоа, не би било добро за мене, ниту за бебето. Се хранам органски, шеќер никогаш не консумирам и тоа е тајната на мојот изглед.

Ли се обидува да ги игнорира негативните коментари, а да ги мотивира жените и да ги убеди дека во секој дел од животот може да изгледаат сјајно.

- Сакам да бидам секси мама, затегната, згодна. Не гледам ништо лошо во тоа. Тоа не значи дека сум лоша кон своите деца.