Наместо со мрежа риби, од риболов се вратиле со две спасени мачиња

Џејсон Фрост и Брендон Ки се двајца рибари од Алабама кои едно утро заминале по риба, но наместо со риба, дома се вратиле со две мали мачиња кои допливале до нивниот чамец.

„Седевме во чамецот и како што се доближивме до крајбрежјето слушнавме плискање на водата“ – така Фрост ја започнува приказната.

„Мислев дека чув риба која се фатила на јамката, но видов како нешто плива кон нашиот чамец и чув мјаукање“ – продолжува тој.

Ниту еден од двајцата рибари не очекувал дека ќе наидат на мало маче кое знае да плива, а уште помалку на второ маче кое ќе ги следи стапките на првото.

Веднаш по него, слушнале уште едно плискање на водата и пристигнало и второто мало маче.

„Со километри нема куќи во овој предел, па веројатно некој ги оставил тука среде оваа пустелија, а тие биле толку очајни што допливаа до нас, за да се спасат и да најдат засолниште“ – објаснува Фрост.

Кога се вратиле назад во градот нашле семејство кое ги посвоило овие две мали мачиња, па сега тие имаат топол дом, а овие рибари интересна случка за раскажување.