Улични кучиња се појавиле на погребот на жената која ги хранела

Маргарита Суарез од Мексико целиот живот го поминала хранејќи ги животните на улица, особено кучињата. Каде и да одела носела торба со храна што ѝ останувала за по пат да им остави.

Некои од нив дури ѝ станале и пријатели и миленичиња кои ги среќавала секој ден.

На денот кога починала, без никој да ги собира, почувствувале што се случило и сами дошле до местото каде нејзиното тело било кремирано. Легнале на подот за да ѝ оддадат почит и благодарност за сето она што го правела за нив во текот на целиот живот.

Ваквата неверојатна глетка ги изненадила и членовите на семејството кои не знаеле како да постапат.

Но, со оглед на тоа колку биле мирни и пристојни ги оставиле да бидат со нив и заедно да ја споделат тагата за големата загуба и да ја поздрават за последен пат.