Слеп мопс е првото хумано куче кое им помага на злоставувани деца

Мопсот Ксендер е слеп, но ја има способноста да ги орасположи сите деца и возрасни кои се наоѓаат во неволја. Ова малечко кутре ја чувствува тагата која го опкружува, подобро отколку било кој човек.

Двогодишниот мопс се појавил во складилиште за животни минатата година, а биле потребни само неколку дена за да биде посвоен.

Родни Биди го одвел дома кај своето семејство и по само неколку дена заеднички живот сите ја забележале неговата прекрасна личност и позитивниот дух кој го поседувал.

Овој мопс денес важи како експерт за препознавање на злоставувани деца и сопружници. Родни не ни помислувал на ова, но Ксендер станал одлично терапевтско куче.

Денес, и покрај тоа што Ксендер е роден слеп, им помага на сите останати да ја видат среќната страна на животот.