Емотивното пријателство на напуштено кутре и неподвижно маче

Парализираното маче и напуштеното кутре станаа најдобри пријатели откако се пронајдени на автопат во Флорида. Мачката Рути не може да се движи, а кутрето Иџи е нејзин верен чувар.

Иџи е толку врзан за Рут, развил заштитнички однос до степен што спасителите едвај успеале да ја допрат, затоа што тој постојано ги напаѓал.

„Навистина не знаеме што се случило со неа. Можеби е родена со ваков хендикеп,“ објаснила Дајен од друштвото за грижа на животни која ја пронашла.

„Беше навистина чудна ситуација. И двајцата се пронајдени во добра состојба, не беа ниту валкани, ниту изгладнети, што ни открива дека до неодамна имале дом,“ раскажува таа.

Жаклин Борум која го води здружението за животни “Project Paws” ги вдомила овие неразделни пријатели штом ја дознала нивната приказна.

„Секој пат кога Иџи ќе добие играчка, прво ја носи и ја покажува пред Рут. До сега гледавме стотици пријателства, но ниту едно не беше вака емотивно.“