„Сè започна со едно глувче“: Како Волт Дизни ја направи најголемата империја во филмската индустрија?

Кога детството ти го отсликуваат дизниевите приказни, не можеш, а да не се запрашаш која е приказната на основачот Волт Дизни, што е она што го прави Дизни огромен бренд - царство за сите возрасти - и што се крие позади целата индустрија.

Волт Дизни, основачот на еден од најпознатите брендови во светот, е роден во далечната 1901 година во Чикаго.

Тој никогаш не се експонирал во јавност, па многу малку се знае за неговиот приватен живот.

На свои 18 години, Дизни заминува во Калифорнија каде со неговиот брат одлучуваат да позајмат пари за да креираат студио во гаражата на нивниот вујко.

Овде Дизни го создава својот прв анимиран лик - зајакот Освалд - и почнува да ги прави црно-белите цртани кои направија бум во тогашната филмска индустрија.

Мики Маус – некогаш и денес

Во 1928 година, Дизни го направи Plane Crazy - првиот цртан филм со Мики Маус кој е главно олицетворение на брендот. Филмот прво бил нем, но следната година е издадена верзија со звук.

Повторно во 1928 година, Дизни го издаде и Steamboat Willie - првиот цртан филм со звук во кој повторно се појавува Мики Маус.

Во наредните неколку години, многу други ликови му се придружија на Мики Маус и се формираше таканаречената „дружина“ со Мини Маус, Доналд Дак (Пајо паторот) и Гуфи (Шиљо) - ликови кои се препознатливи и денес. 

Приказната за „Снежана и седумте џуџиња”

Дизни верувал дека иднината е во долгометражните филмови, па во 1937 година го направил првиот долгометражен цртан филм во боја -  „Снежана и седумте џуџиња“.

Буџетот на филмот бил неверојати 1,5 милиони долари, што е огромна сума за тој период.

По успехот со „Снежана“, Дизни ги претстави Пинокио и Фанатазија во 1940 година, а во периодот 1941-1942 оживејаа и ликовите на слончето Дамбо и срничката Бамби.

Како растеше брендот Дизни?

За Дизни работат илјадници талентирани уметници и аниматори кои ги оживуваат нашите омилени ликови. 

Како што Дизни забележувал дека компанијата расте, почнал да се фокусира и на други области - следуваа продукциски компании и компании за дистрибуција на филмовите.

Во 1964 година беше објавен и „Мери Попинс“ - игран филм со цртани елементи - и дополнително ја зголеми популарноста на брендот. 

Се создаде една цела машинерија која не застана тука, па Дизни реши да направи нацрт-план за дотогаш невиден тематски парк.

Првиот парк Дизниленд ги отвори своите врати за посетителите во 1955 година во Калифорнија.  

На почетокот брендот имал спонзорства за паркот, со што ги намалил трошоците, а во исто време храната и продажбата во паркот биле дадени на надворешни компании.

Со растот на приходите и големата експанзија, се отвори и вториот парк во Флорида во 1960 година, а Дизни ги откупи сите можни права. За европскиот пазар радоста дојде со отворањето на Дизниленд во Париз во 1992 година.

Волт Дизни почина во 1966 година и беше прогласен за еден од највлијателните луѓе на 20-тиот век.

Помалку познати факти за Волт Дизни

Во неговите приказни никогаш го нема ликот на мајката... Тоа има многу несреќна позадина која според некои сведоштва се должи на фактот дека неговата мајка настрадала во пожар во куќата која тој ја купил за неговото семејство.

Волт Дизни бил страсен пушач, со по три кутии дневно цигари, што во јавноста се припишува како причина за неговата прерана смрт од рак на белите дробови.

За време на неговиот живот, Дизни бил заинтересиран за достигнувања во областа на криогениката и вечниот живот.

Сè на сè, она што секогаш ќе ни остане е детскиот дух кој го носиме во нас и се буди секогаш кога ќе пуштиме дело од Дизни.

Ќе завршам со добропознатата изјава на Дизни - „Се надевам дека никогаш нема да заборавиме една работа, а тоа е дека започнавме со глувче”.

М.У.Т. | Црнобело