Темна облека за авторитет и уште 9 психолошки трикови што ќе ви користат во секојдневието

Набљудувајте ги соговорниците додека се смеат

Ако сте во друштво на повеќе луѓе, лесно можете да утврдите кој со кого е најблизок.

Едноставно, видете кој кон кого се свртува кога се смее – кога се смеат, повеќето луѓе настојуваат да се свртат кон личноста со која се чувствуваат најудобно.

Кога треба да одберете нешто, намалете го изборот

Без разлика дали треба да одберете шампон за коса, дестинација за летување или нова блуза, може да биде тешко да донесете одлука ако пред вас има многу избори.

Затоа, најпрво намалете ги изборите на не повеќе од четири и побрзо ќе изберете една од четирите.

Побарајте услуга од некого

Ако сакате да се зближите со некоја личност, секогаш можете да побарате мала услуга од неа.

Со ова ќе ѝ покажете на личноста дека ѝ верувате, а откако ќе ви помогне, таа ќе се чувствува добро и ќе ве смета за поблиска личност.

Обрнете внимание на начинот на седење

Ако сакате да изгледате како отворена личност, тогаш не ги прекрстувајте рацете и нозете.

Ако сакате да поставите граница, тогаш прекрстете ги.

Не се ракувајте со смрзнати дланки

Нормално, некогаш не можете да го контролирате ова, но секогаш кога сте во можност малку загрејте ги дланките пред да се ракувате со некого.

Иако звучи чудно, со ова ќе изгледа како попријателски настроена личност.

Спирова С. | Црнобело