Поранешна стјуардеса открива: 9 работи кои патниците НЕ треба да ги прават во авион и причината за тоа

Не земајте лекови за спиење. Одењето без чевли во тоалет е гадно. Масичката пред вас добро е да ја пребришете пред да ја користите за јадење - претходно некој ги потпирал нозете или менувал пелени таму. Поранешна стјуардеса открива 9 работи кои не треба да ги правите во авион.

Арина Блум 2 години работела како стјуардеса и во поопширна статија за Insider открива кои десет работи посакува патниците да престанат да ги прават додека се во авион.

https://www.instagram.com/p/CA3QGQ7JZoe/?utm_source=ig_web_copy_link

Tаа е позната и по тоа што на нејзиниот ТикТок профил редовно објавуваше видеа од работното место, поради што беше и отпуштена.

Во едно од видеата таа покажа каде спијат стјуардесите:

@arina.bloom My most requested video to show where Flight Attendants sleep??‍♀️ #flightattendants #cabincrew #flightattendantlife #cabincrewstories #crewrest ♬ original sound - Arina Bloom

Како што вели таа во статијата, за време на нејзиното работење имала прилика да види најразлично однесување додека била во авион.

Кои 10 работи што посакува патниците да не ги прават се на врвот на нејзината листа:

Спасувачките елеци под седиштето не се ваши за да ги носите дома

Спасувачките елеци под седиштето не треба да си ги земате како сувенир. Не само што правите кражба, туку и го загрозувате животот на следниот патник во авионот.

Немојте да заборавате да пуштите вода во тоалетот

Ако не знаете како точно се користи тоалетот во авионот, добро е да прашате стјуардеса.

Можеби сте збунети од големиот број копчиња, но ако не сте пуштиле вода во тоалетот тоа нема да помине незабележано.

Најдобро е да не земате лекови за спиење додека сте во авион

Тоа што изгледате поспани и не можете да се разбудите може да го уплаши персоналот во авионот кој понатаму ќе треба да бара медицинско лице или да ви укаже прва помош.

Никогаш не носете сопствен алкохол во авионот

Нема потреба да ризикувате и за внесување мали шишиња алкохол да добиете забрана за влез.

Дури и ако не ве забележат стјуардесите, тие често може да добијат поплаки од другите патници.

Членовите на екипажот не се задолжени да ви го сместат рачниот багаж

Тоа не е работа на стјуардесите. Доколку торбата ви е премногу тешка, најдобро е да ја пријавите со останатиот багаж.

Немојте да одите во тоалет, додека стјуардесата во дава демонстрација за безбедност

Ако станете за време на демонстрацијата за безбедност, стјуардесите треба да застанат, да ве почекаат и да почнат од почеток кога ќе се вратите.

Секогаш пребришете ги масичките на седиштата пред да ги користите

Често се случува некои луѓе да ја користат масичката за да се потпрат на неа додека спијат или пак на неа да му променат пелена на бебето.

Користете алкохолни марамчиња за да ја дезинфицирате масичката.

Никогаш не одете во тоалет без чевли

Тоалетот најверојатно е највалканиот дел во авионот. Често подот е мокар и тоа не е само вода. Не сакате да ги намокрите чорапите, нели?

Немојте да молчите доколку не се чувствувате добро

Доколу се соочувате со вртоглавица или имате напад на паника најдобро е да се консултирате со стјуардесите. Тие сигурно поминале обука и знаат како да ви помогнат како да се справите со овие проблеми.

Б. С. Б. | Црнобело

фото: depositphotos.com