8 затвори со најсилно обезбедување од кои бегството е практично невозможно

Во срцето на Париз се наоѓа затворот La Santé, но и покрај локацијата, затворот е направен како тврдина, па бегството е невозможно. Порано овде се извршувале и егзекуции со гилотина.

Затворањето на криминалците е можеби една од најстарите казни, а затворите постојат уште од формирањето на првите држави.

Додека порано затворските ќелии биле само за да се затворат криминалците, денес се гледаат и како еден вид рехабилитација. Всушност, уште дрвените грчки филозофи како Платон дискутирале за користењето на затворите како поправни установи, наместо само како место за затворање.

Оттогаш до денес затворите имаат претрпено многу промени, но уште се соочуваат со ризикот од бегство на затворениците. Сите затвори имаат обезбедување, но некои навистина се истакнуваат над другите.

Затвори ширум светот од кои бегството е невозможно:

ADX Florence, САД

Затворот ADX Florence се наоѓа во Колорадо, САД и работи од 1994 година. Ова е затвор со максимално обезбедување, наменет за затвореници кои се склони кон најекстремното насилство кон другите затвореници и вработените во затворот.

Моментално (2021 година) во затворот има околу 330 затвореници кои се сместени во посебни ќелии направени од армиран бетон. Ќелиите се дизајнирани на тој начин што затворениците не можат да се самоповредат или да извршат самоубиство, а и немаат како да избегаат.

Тие се затворени во ќелиите 23 часа дневно и постојано се набљудувани со камери.

Алкатраз, САД

Алкатраз во Сан Франциско е можеби најпознатиот затвор во светот и на сите им е добро познат фактот дека бегството било невозможно.

Порано имало неколку обиди за бегство, но затворениците умреле. На неколку не им е најдена никаква трага, но експертите сметаат дека веројатно и тие умреле за време на бегството.

Затворот, кој е изграден на островот Алкатраз во Сан Франциско, работел од 1934 година сè до 1963-та. Своевремено, се сметал за најдобро обезбеден во светот најмногу поради локацијата на островот – водата е многу студена, а силните струи го прават пливањето до другиот брег многу тешко.

Затворот има четири главни блокови, а ќелиите се многу мали – 2,7×1,5 метри – и не нуделе никаква приватност. Кога затворот бил во функција, во ќелиите имало кревет, биро, мијалник и тоалетна школка.

Едниот блок бил наменет само за најлошите затвореници, а шест ќелии од блокот биле нарекувани „Дупка“. Имено, кога затворениците биле казнувани, ги затворале во тие ќелии каде што условите биле многу полоши.

Денес затворот работи како музеј и е една од најпосетените туристички атракции во Сан Франциско.

La Santé, Франција

Овој затвор е сместен во Париз и работи уште од 1867 година.

Иако се наоѓа во срцето на главниот град, затворот е толку добро обезбеден што бегството е невозможно.

Затворот има капацитет за 2.000 затвореници, распоредени во 14 блокови. Ќелиите се поголеми од оние во Алкатраз – околу 4 метри долги и 2,5 широки. Порано во затворот имало и егзекуции со помош на гилотина – некогаш во дворот, некогаш внатре.

До 2000 година затворениците биле распоредувани според нивното потекло – од Западна Европа во блок А, од Африка во блок Б…

Затворот има и „V.I.P.“ ќелии, каде што се затвораат истакнати личности кои го прекршиле законот.

Arthur Road Jail, Индија

Познат и како Mumbai Central Prison, ова е најголемиот и најстариот затвор во Мумбај, Индија, а работи од 1926 година.

Во затворот има место за 800 затвореници, но просечниот број е околу 2.900. Ова значи дека условите во коишто живеат затворениците се ужасни не само поради немањето простор, туку и поради хигиената и ширењето болести.

Затворот е познат и за екстремното насилство помеѓу затвореничките банди.

Покрај ужасните услови и насилството, затворот е направен како непробојна тврдина и наводно ниту еден затвореник нема пробано да избега досега.

Продолжува на следната страница...