Морето е лек – како влијае врз нашето здравје и нè подмладува?

Најочигледната причина поради кој го сакаме морето? Пливањето, нормално. Но, тоа секако не е и единствената.

Замислете си – недогледно, пространо синило пред вас. Кристално чиста вода. Шетање на песок, додека ве милуваат сончевите зраци, додека дува чистиот морски воздух и најбитно – додека шумолат морските бранови.

Особено лековито е седењето покрај морето и едноставното набљудување на брановите. На овој начин останувате сами со своите мисли и потонувате во некоја зен медитативна состојба, со што телото се олабавува, се релаксира, а стресот автоматски се повлекува.

Воздухот покрај море или океан изобилува со таканаречени негативни јони, кои докажано ги ублажуваат симптомите на депресија. Ова ќе се одрази на телото преку добар сон, како и значително подобрено расположение. Морето волшебно ќе воспостави и рамнотежа на хормонот на среќата и задоволството.

Морската сол го поттикнува зараснувањето на кожата, повлекувањето на егземите, што значи дека доколку страдате од дерматитис или какви било други проблеми поврзани со кожата, најдобро ќе се ревитализирате покрај море.

Морето е и одличен лек за синуси, алергии и настинки, односно може да ги ублажи нивните симптоми. Благодарение на сонцето пак организмот ќе ја добие и неопходната количина на витамин Д кој делува на коските, мускулите и имунитетот.

Морето го подобрува како физичкото, така и менталното здравје. Со еден збор морето е лековито и доколку имате шанса да го поминете одморот на море, не ја пропуштајте.

(О)Милена | Црнобело