Кира, Лео, Сончица – 10 женски и машки имиња инспирирани од летото и морето

Во потрага сте по прекрасно име за вашето момче или девојче кое го носите во стомакот? 

Доколку очекувате да се роди во текот на летото, прекрасна идеја е да одберете име инспирирано токму од сезоната или морето:

Јадранка

Веднаш станува јасно зошто ова ретро име асоцира на лето, бидејќи настанало како резултат на едно од најубавите мориња на светот – Јадранското. Иако можеби ви изгледа старомодно, ова име носи неверојатна убавина и симболика во себе.

Маре

Ова е кусата варијанта на името Марија, чија пак хебрејска форма е Мирјам. Според старото толкување, името Мирјам се создало како резултат на хебрејското мир (горчливо) и јам (море), па грубото значење би било „горчливо море“. На италијански пак, mare означува море.

Сончица/Сунчица

Ведро, убаво име чие значење не е воопшто двосмислено. Асоцира на сонцето и сончевите зраци кои најсилно блескаат токму во летниот период.

Лео/Леона

Голем број на дечиња коишто се родени во летото се раѓаат во хороскопскиот знак Лав. Нивниот датум на раѓање лесно се поврзува со името кое означува храброст и сила.

Вишна/Јагода/Малина

Сочни и слатки, овие „овошни имиња“ се вистински симбол на летото, кое во себе носат ведрина и руменило.

Кира

Името е со египетско/персиско потекло кое означува „сонце“. Во некои јазици името симболизира „престол“ што му дава кралски, моќен призвук и симболика.

Каи

На хавајски и индијанскиот јазик навахо, значењето на ова интересно име е поврзано со летото. На навахо значи „врба“, а на хавајски, каи означува „море“.

Вал

Ова машко име настанало од зборот valens што значи „силен, здрав“. Другите облици се Валентин, Валентина, Валентино. Но „вал“ на српски означува и бран, што секако асоцира на морето.

Елио

Потекнува од латинското Helios – грчкиот бог на Сонцето. Хелиос е прикажан како прекрасен млад човек со сончева аура околу себе кој ја вози својата кочија предводена од крилести коњи.

Јулијана

Значењето на ова име е поврзано со некои минати времиња и асоцира на „младешко, полетно, меко“. Но, може да се анализира и од аспект на седмиот месец на годината, јули, кога летото е во полн ек.

(О)Милена | Црнобело