Секој треба да знае: Како да испратите СОС порака со локација на вашите контакти ако сте во опасност?
Посакуваме никогаш да не ви затреба, но добро е да знаете и да споделите со најблиските дека на мобилните телефони постои опција, со која за неколку секунди се испраќа порака со вашата локација на избрани СОС контакти од вашиот именик.
Живееме во време кога за жал никој не може да се чувствува 100% безбедно, па во опасни ситуации важно е да знаете како да испратите повик за спас за неколку секунди.
Посебно девојките, како загрозена категорија за напади, но секако и момците кои може да се најдат во опасна ситуација, покрај средствата за самоодбрана, важно е да знаат и за овој трик.
Никому не посакуваме да се најде во опасна ситуација, но добро е да се знае дека на мобилните телефони може да се активира опција, со која со 5 пати стискање на копчето за вклучување/исклучување, ќе испратите СОС порака до најблиските.
Во опасни ситуации, никој нема време да се јави или да испрати порака некому за помош, па доколку недај Боже се најдете во опасност, сетете се само на овој трик, кој вирално се шири на социјалните мрежи.
- Во поставките (Settings) на вашиот телефон, во Search, пребарајте Emergency SOS.
- Потоа активирајте ја опцијата за Emergency SOS.
- Во делот Emergency Contacts додадете неколку контакти од блиски луѓе на кои им верувате и кои знаете дека би ви биле од помош, но истовремено известете ги за ова.
- Откако ќе ги поставите овие опции, најчесто на повеќето телефони, со притискање 5 пати на копчето за вклучување/исклучување на телефонот, се испраќа порака до вашите избрани контакти со вашата точна локација. Начинот на кој се испраќа пораката на секој телефон е наведен кај делот за активирање на опцијата.
- Споделете со најблиските! Се надеваме дека никогаш нема да ви затреба.
Андроид:
iOS:
По „вклучување на сирената“ за алармирање, од вашиот телефонски број се испраќа ваква порака до итните контакти:
М. М. | Црнобело
Би можело да ве интересира:
Препорачуваме
Најчитани неделава
