Денес е Кинеска Нова година - Мали ритуали за поголема среќа

Кинеската Нова година (12.02.2021) симболизира нов почеток, отпуштање на сите негативни случувања во минатата година и привлекување на нови желби и позитивни промени.

2021-ва година ќе биде во знакот на бивол, што симболизира дека може да очекуваме голема внатрешна сила, храброст, одлучност, волја и остварување на амбициите.

Според традициите, ова се неколку ритуали за привлекување на поголема среќа:

1. На денот на Кинеската Нова година ништо не се чисти и брише. Метлите и крпите се тргаат на страна.

2. Истакнете ги работите во црвена, портокалова и жолта боја.

3. Обичај е на полноќ да се направи знаме од желби. На правоаголен лист хартија напишете 9 желби за годината која доаѓа и закачете го листот на дрво во вашиот двор или во близина. Се верува дека што побрзо ветрот ќе го однесе, тоа побрзо желбите ќе се остварат.

4. На трпезата треба да имате „среќни плодови“ – портокалите симболизираат злато, грозјето е добивка, ананасот е бескраен просперитет, а лимонот штити од негативни вибрации.

5. Бамбусот е цвеќе кое треба да го има во секој дом на овој ден, но и во текот на годината. Растението означува флексибилност, напредок и рамнотежа.

6. Поставете метален предмет во сива или златна боја на западниот или северозападниот дел во домот, бидејќи 2021-ва е година на металниот бивол.

7. Закачете украси од хартија, по можност црвена.

М. Д. | Црнобело