Како изгледале ликовите од филмот Titanic во реалноста?

Знаеме дека Џек и Роуз, главните ликови во Titanic, се фиктивни, но многу од ликовите во филмот се инспирирани од вистински личности кои навистина биле присутни на бродот.

Тонењето на Титаник е една од најпознатите трагедии во помодерната историја на човештвото. На првото, и последно, патување на бродот имало 2.200 патници, од кои само 700 ја преживеаја катастрофата.

Во свое време Титаник бил најголемиот, а за многумина и најбезбедниот брод направен дотогаш, но ова мислење имало голем удел во ужасната катастрофа.

Имено, поради тврдењето дека Титаник е брод што никогаш нема да потоне, на него имало доволно чамци за спасување за едвај третина од патниците.

Најпрво на бродот требало да има 32 чамци за спасување, но потоа бројот бил намален на само 20 – доволно за 1.178 луѓе.

Трагедијата стана инспирација на многу писатели и режисери, но дефинитивно најпозната е филмската адаптација на Џејмс Камерон, од 1997-ма година.

Во продолжение можете да погледнете како изгледале ликовите од филмот кои постоеле во реалноста:

Во реалноста, Маргарет Браун им помогнала на многумина да стигнат навреме до чамците за спасување, а после трагедијата почнала да собира пари за да им помогне на преживеаните.

И стариот пар во филмот е инспириран од вистински ликови. Ајда и Исидор биле брачен пар и навистина останале на бродот за да умрат заедно.

62-годишниот Едвард Смит бил капетанот на бродот и зад себе имал 40-годишно искуство. Исто како во филмот, тој загинал на бродот и во реалноста.

Вилијам Мурдок го дал најдоброто од себе за да го избегне судирот со сантата мраз, но во филмот е прикажан во лошо светло.

Чарлс Лајтолер ја преживеал катастрофата, а подоцна почнал да се фокусира на зголемување на безбедноста на патничките бродови.

Арчибалд Грејси им помогнал на многу патници да стигнат до чамците, а откако ја преживеал трагедијата, напишал и книга за неговите искуства.

Волас Хартли, кој бил дел од бродскиот оркестар, исто како во филмот, навистина свирел до последниот момент. Ниту тој, ниту другите музичари од оркестарот не преживеале.

Ноел Лесли била патник од прва класа и се спасила со еден од чамците, а им помогнала и на патниците од третата класа.

Томас Ендрус е креаторот на Титаник и кога сфатил дека неговиот брод нема да се спаси, им помогнал на патниците, а потоа останал да умре.

Продолжува на следната страница...